Digjen kontejnerët në këtë lagje të Prishtinës!

Djegia e kontejnerëve me mbeturina tanimë nuk është diçka e pazakontë sidomos në kryeqytet.

Sot në lagjen ‘Dardania’ të Prishtinës, një grumbull kontejnerësh janë përfshirë nga zjarri.

Nuk dihet nëse zjarri ka qenë aksident apo është ndezur me qëllim nga ndonjë qytetar.

Kjo gjendje ka alarmuar qytetarët e asaj lagje, të cilët kanë dërguar foto në redaksinë e Indeksonline.

Për rastin janë njoftuar ekipet e zjarrfikësve, që pritet të arrijnë në vendin e ngjarjes. /Indeksonline/