Digjet një kamion në magjistralen Prishtinë – Ferizaj
Në rrethana të panjohura është përfshirë nga zjarri një kamion në magjistralen Prishtinë – Ferizaj.
Në pamjet e publikuara shohim teksa kamioni është duke u djegur, raporton Indeksonline.
Rasti për Indeksoline është konfirmuar nga zëdhënësi i Policisë për Rajonin e Prishtinës, Agron Borovci.
Ai njoftoi se si pasojë e kësaj nuk është lënduar askush.
“Rreth orës 12:00, është raportuar se në magjistralen Prishtinë – Ferizaj një kamion është përfshirë nga zjarri. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Nuk raportohet për të lënduar, përderisa po trajtohen rrethanat e ngjarjes”.