Dikush ia preu gypat e frenimit të veturës, policia nis hetimet për tentim vrasje
Një person ka raportuar në polici se posa ka hipur në veturën e tij, me targa vendore, ka vërejtur se frenat e veturës nuk janë në rregull.
Ankuesi ka telefonuar një automekanik i cili pas kontrollit të veturës ka konstatuar se katër gypat e cilindrave të frenimit janë të prerë qëllimisht, transmeton IndeksOnline.
Sipas policisë, rasti mund të këtë ndodhur të hënën ose të martën në Graçanicë.
Njësitë relevante policore kanë dal në vendin e ngjarjes dhe janë duke e hetuar rastin si tentim vrasje.
Lidhur me rastin është konsultuar edhe prokurori i shtetit./IndeksOnline/