Dinamo e vuajti largimin e Zabërgjës, Bernard Berisha larg nivelit të tij profesional!

Skuadra e Dinamo Tiranës është eliminuar mbrëmë nga UEFA-ja Conference League, pasi u mposht me rezultat të përgjithshëm 1:4 ndaj Jegillonia.

Ilir Daja në dy ndeshjet kundër ekipit polak luajti pa Baton Zabërgjën, të cilin e largoi javë më parë drejt Metalist 1925, shkruan Indeksonline

Pikërisht pa Batonin, Dinamo ishte krejt ekip ndryshe.

Skuadra shqiptare u mundua të zëvendësonte Zabërgjën me Bernard Berishën, por ky i fundit la shumë për të dëshiruar në këto dy ndeshje.

Berisha nuk tregoi aspak nivelin e tij profesional, por ndoshta kjo për shkak edhe të ligës ku ka luajtur më parë, në Rusi.

Kujtojmë se Bernard Berisha la Akhmatin në Premier League të Rusisë, për t’u rikthyer sërish në Superiore të Shqipërisë./Indeksonline/