Disa javë pas ndarjes, Taylor Swift nis lidhje të re dashurie

Në muajin prill, këngëtarja e famshme Taylor Swift i dha fund lidhjes gjashtë vjeçare me aktorin Joe Alwyn.

Edhe pse nuk kaluan shumë ditë nga ndarja, duket se ajo po e gjen vetën tek një tjetër mashkull, transmeton Indeksonline.

Siç raporton ‘The Sun’, Swift po takohet me yllin britanik, Matty Healy.

Ata janë parë edhe në publik ku kanë shprehur romancën e tyre.

Një burim i afërt me Taylor tha: “Ajo dhe Matty janë marrëzisht të dashuruar. Edhe pse është herët, ata po ndihen mirë. Ata u takuan për herë të parë, shumë shkurt, gati dhjetë vjet më parë, por tani kanë nisur njohjen më të thellë.

Ata janë jashtëzakonisht krenarë dhe të emocionuar për këtë marrëdhënie dhe, ndryshe nga ajo e fundit e Taylor e cila u mbajt shumë larg vëmendjes, tani dëshiron ta “zotërojë” këtë romancë dhe jo ta fshehë atë.

Taylor dëshiron të jetojë jetën e saj dhe të jetë e lumtur. Ajo u tha miqve se Matty do të fluturojë për në Nashville gjatë fundjavës për ta mbështetur atë në pjesën tjetër të turneut”./Indeksonline/