Disa pjesë të Vushtrrisë sonte do të mbesin pa ujë, kjo është arsyeja

Kompania Rajonale Ujësjellësi “Mitrovica” ka bërë të ditur se në gypin kryesor furnizues në Vushtrri, janë duke u kryer punime.

Si shkak i kësaj, KRU “Mitrovica” thotë se Qyqavica, Doberlluku, Smrekonica, Pantina, Akrashtica dhe një pjesë e qytetit të Vushtrrisë do të mbesin pa ujë.

“Për shkak të punimeve në gypin kryesor furnizues 700mm, furnizimi me ujë të pijes do të ndërpritet përkohësisht në këto zona: Qyqavicë, Doberllukë, Smrekonicë, Pantinë, Akrashticë, si dhe në një pjesë të qytetit të Vushtrrisë. Ndërprerja do të fillojë sonte nga ora 22:00 dhe pritet të zgjasë deri të hënën, kur do të rikthehet furnizimi me ujë”, thuhet në njoftim.