Diskutohet për procesin e njohjes së statusit të mbijetuarave të dhunës seksuale gjatë luftës në Kosovë

Ministri i Punëve dhe Mirëqenies Sociale, Skender Reçica sot është takuar me ish-presidenten, Atifete Jahjaga.

Ata biseduan për procesin e njohjes së statusit të mbijetuarave të dhunës seksuale gjatë luftës në vendin tonë dhe trajtimin e viktimave të dhunës në familje, shkruan Indeksonline.

“Përkushtimi im si ministër në trajtimin meritor të këtyre viktimave ka qenë dhe mbetet ndër objektivat e vazhdueshme të dikasterit që drejtoj. Me ish-presidenten Jahjaga diskutuam edhe për gjithë angazhimin e Komisionit Qeveritar për verifikimin e statusit të të mbijetuarave të dhunës seksuale gjatë luftës në Kosovë, si dhe për punën e organizatave joqeveritare që janë duke mbështetur këtëproces”, ka shkruar ai në Facebook.