Doktori i cili mori çmimin e më të mirit në Kroaci, pritet nga ministri Vitia

Doktori kosovar Franë Marleku i cili punon në Kroaci si specialist i Radiologjisë, po qëndron këto ditë në Kosovë. Marleku i cili vitin e  kaluar sipas vlerësimit të pacientëve, mori çmimin si doktori më i mirë, sot është pritur nga Ministri i Shëndetësisë Arben Vitia dhe drejtoresha e Klinikës së Radiologjisë në QKUK  Shkëndije Nuza.

Ministri Vitia ka uruar Marlekun për suksesin e arritur. Ndërkaq kanë bashkëbiseduar për mënyrën që storiet e suksesit që arrijnë bashkatdhetarët tanë në sektorin e shëndetësisë, të mund të shpërndahen edhe me profesionistët shëndetësorë në vendin tonë.

Nga e tij, Dr. Franë Marleku, shprehu gatishmërinë e tij për bashkëpunim në shumë drejtime, në mënyrë që të krijohen hapësira për trajnime e organizime tjera të përbashkëta.

“Bashkatdhetarët tanë, sukseset dhe përvojat e tyre, do ta kenë çdo herë derën e hapur në Ministrinë e Shëndetësisë”, tha ndër të tjera minsitri Vitia./Indeksonline/