Doku kishte udhëtuar me një pjesëtar të stafit, konfirmohet rikthimi i tij në Kupën e Botës

Federata e futbollit të Belgjikës ka konfirmuar një lajm të rëndësishëm nga kampi i kombëtares, ku sulmuesi Jeremy Doku është bërë baba për herë të parë.

Në njoftimin zyrtar, federata u ka uruar Doku-t dhe familjes së tij lindjen e djalit të parë, të quajtur Praise, duke e cilësuar si një moment të veçantë në jetën e tij personale, shkruan Indeksonline

Sipas deklaratës, me miratimin e stafit mjekësor të kombëtares, Doku udhëtoi drejt Londrës për të qenë pranë bashkëshortes së tij në këtë moment të rëndësishëm familjar.

🚨 𝗢𝗙𝗙𝗜𝗖𝗜𝗔𝗟: Statement from Belgium on Jeremy Doku:

"Congratulations to Jeremy Doku and his family on the birth of their first son, Praise. With the approval of and accompanied by one of our team doctors, Jeremy travelled to London to be with his wife for this unique… pic.twitter.com/AC2RlldjSB

— The Touchline | 𝐓 (@TouchlineX) June 23, 2026

“Urime Jeremy Doku dhe familjes së tij për lindjen e djalit të parë, Praise. Me miratimin dhe shoqërimin e një prej mjekëve të ekipit, Jeremy udhëtoi drejt Londrës për të qenë pranë bashkëshortes në këtë moment unik,” thuhet në njoftim.

Gjithashtu bëhet e ditur se sulmuesi do t’i bashkohet sërish grumbullimit të kombëtares së Belgjikës në mbrëmjen e së nesërmes në Seattle, teksa ekipi po përgatitet për ndeshjen e radhës ndaj Zelandës së Re në Kupën e Botës./Indeksonline/