Donald Trump investon te Netflix, arsyeja do t’ju lërë pa fjalë!

Sipas një dokumenti të ri të deklarimit financiar të publikuar nga Shtëpia e Bardhë, Presidenti i Shteteve të Bashkuara, Donald Trump, ka blerë obligacione të kompanisë Netflix gjatë muajit janar.

Sipas dokumentit të dorëzuar më 26 shkurt, Trump bleu dy grupe obligacionesh: njëri më 2 janar, me vlerë midis 500,000 dhe 1 milion dollarë, dhe tjetri më 20 janar, me vlerë midis 100,000 dhe 250,000 dollarë, transmeton Indeksonline.

Këto transaksione e çojnë investimin total të Trump në obligacionet e Netflix midis 600,000 dhe 1.25 milion dollarë.

Ky investim vjen në të njëjtën ditë kur Netflix tërhoqi ofertën për të blerë Warner Bros.

Deklarimi tregon gjithashtu aktivitetin financiar të Trump, duke përfshirë 83 transaksione të tjera, përfshirë obligacione të ngjashme të Sirius XM. Sipas dokumenteve të mëparshme, ai kishte blerë gjithashtu obligacione të Netflix dhe Warner Bros. Discovery në dhjetor, me vlerë rreth 1 milion dollarë.

Ekspertët sqarojnë se blerja e obligacioneve nuk nënkupton blerjen e aksioneve të kompanisë. Në vend të kësaj, Trump i ka huazuar para kompanisë dhe merr interesa të rregullta nga detyrimet e saj, ndërsa në fund të periudhës së obligacionit, ai do të marrë mbrapsht shumën fillestare të investuar./Indeksonline/