Donika Gërvalla s’u pajtua me Qeverinë Kurti, momenti kur abstentoi në një vendim në mbledhjen e sotme!
Ministri i Administrimit të Pushtetit Lokal, Elbert Krasniqi në mbledhjen e sotme të Qeverisë së Kosovës ka prezantuar hartimin e strategjisë kombëtare për menaxhimin dhe kontrollin e qenve me dhe pa pronar për periudhën 2022 – 2028.
Pika e propozuar nga ministri Krasniqi u mbështet nga të gjithë, por befas abstenoi zëvendëskryeministrja dhe ministrja e Punëve të Jashtme dhe Diasporës, Donika Gërvalla.
Kjo është hera e parë që Gërvalla nuk është pajtuar me një vendim të Qeverisë dhe arsyet e abstenimit mbesin të panjohura.
Ajo nuk mori fjalën as kur kryeministri Kurti pyeti nëse dikush do të diskutojë rreth pikës së propozuar, kështu duke lënë gjithçka “enigmë”.
“Hartimi i strategjisë kombëtare për menaxhimin dhe Kontrollin e Qenve me dhe pa Pronar dhe plani i veprimit adreson për herë të parë në mënyrë institucionale afatgjate dhe humane problematiken e qenve me dhe pa pronar. Kjo strategji përgjatë periudhës kohore 2022 – 2028 synon zhvillimin e kornizës ligjore, fushatën edukuese për promovimin e pronësisë së përgjegjshme, menaxhimin human të popullsisë së qenve, objektet adekuate për strehimin e përkohshëm. Strategjia kombëtare do të jetë dokument dhe instrument kryesor për zgjedhjen e problematikës së qenve me dhe pa pronar duke u bazuar në objektivat, planin e veprimit dhe kostot buxhetore.
Përgjegjësitë për zbatimin e kësaj strategjie do të jenë në nivelin qendror dhe në nivelin lokal. Bazuar në fushëveprimtarinë e tyre, natyrisht pjesa kryesore u përket institucioneve të cilat ishin pjesë e grupit punues deri në finalizimin e strategjisë. Për fund po e shtoj se sigurisht është Ministria e Bujqësisë ajo e cila duhet të ketë rolin kryesor në implemtimin për shkak edhe të agjencioneve që i ka pjesë të saj. Mirëpo neve si ministri kjo na është delegu për të punuar strategjinë edhe sot po e prezantojmë për votim”, u shpreh gjatë prezantimit Krasniqi./Indeksonline/
Më poshtë pamje:
