Donnarumma bëhet baba, vjen në jetë djali i tij!

Leo Donnarumma ka ardhur në jetë. Lajmi u bë i ditur nga babai i tij, portieri italian, Gianluigi ‘Gigio’ Donnarumma, i cili ka publikuar fotot nga materniteti të porsalindurit.

Partnerja e tij Alessia Elefante mësohet se ka sjellë në jetë fëmijën e tyre të parë ditën e djeshme, më 13 shtator.

“Leo Donnarumma  24.09.13 ”, shkroi ai krahas imazheve ku mban në krahë të porsalindurin.

Gjithahtu edhe klubi i Paris Saint Germain, skuadra ku luan Donnarumma, ka bërë një njoftim në X: “Familja e Donnarumma është zgjeruar. Klubi i dërgon urimet më të mira Gigios dhe gruas që solli në jetë vogëlushin Leo. Nëna edhe fëmija janë mirë”.