Dorëzohen edhe brazilianët, Italia ka 37 ndeshje pa humbje

Tani edhe në Brazil duhet ta pranojnë.

Suksesi i 37-të i njëpasnjëshëm erdhi kundër Lituanisë dhe Italia ka hyrë përfundimisht në historinë e futbollit botëror.

Rekordi, për të thënë të vërtetën, e kishte arritur edhe me barazimin kundër Zvicrës, i mjaftueshëm për të kapërcyer suksesin e Spanjës, kampionë të botës dhe Europës, por kishte edhe nga ata jashtë kontinentit që nuk ishin dakord.

Suksesi “azzurr” ka filluar më 10 tetor 2018, me një ndeshje miqësore 1-1 (nën kujdesin e FIFA-s dhe prandaj e vlefshme për numërimin) kundër Ukrainës.

Në mes, miqësoreve, Ligës së Kombeve, kualifikueset e Kupës së Botës dhe Europës, si dhe “Euro 2020”, natyrisht kemi 29 fitore dhe 5 barazime të tjera, deri në fitoren në “Mapei Stadium” ndaj Lituanisë. Pra, në total, 30 fitore dhe 7 barazime!

Por në Amerikën e Jugut, disa media shkruan për një varg prej 36 ndeshjesh pa humbur të kombëtares së Brazilit, duke marrë parasysh edhe ndeshjen 2-2, më 27 shtator 1995 kundër Rumanisë B.

Megjithatë, meqenëse nuk është një sfidë midis dy ekipeve kombëtare A, rregulloret e FIFA-s nuk e përcaktojnë si një ndeshje zyrtare.

Gjithsesi tani, nuk ka më dyshime: Italia ka 37 ndeshje radhazi pa humbur.