Drama e familjes, Victoria ka veç tri fjalë për djalin
Victoria Beckham ka ngjallur shqetësim pasi ndau një postim emocional në Instagram, ndërsa marrëdhënia e saj me djalin e madh Brooklyn Beckham është rikthyer në qendër të vëmendjes.
Grindja u përshkallëzua pasi Brooklyn bëri akuza kundër nënës së tij, duke pretenduar se ajo u soll “në mënyrë të papërshtatshme” në dasmën e tij, transmeton Indeksonline.
Postimi i Viktorias u nxit nga vlerësimi i saj me çmimin francez Chevalier de L’Ordre des Arts et des Lettres nga Ministrja e Kulturës Rachida Dati.
Së bashku me fotot nga ceremonia, Viktoria shkroi një shënim falënderimi më të gjatë, por vëmendjen më të madhe e tërhoqi një mesazh i shkurtër me vetëm tre fjalë “familja është gjithçka”, të cilin shumë e interpretuan si një mesazh të drejtpërdrejtë dhe një thirrje për Brooklyn-in.
Ky ishte mesazh i shkurtër që shkaktoi reagime dhe spekulime të shumta./Indeksonline/
