Drama e Italisë, Gattuso shpërthen kundër FIFA-së

Italia arriti fitoren e gjashtë në shtatë ndeshje të Grupit I, duke mundur Moldavinë 2-0 në Kishinau, por diferenca e golave me Norvegjinë i detyron Azzurrët të kërkojnë një fitore historike 9-0 në Milano për të kaluar direkt në Botërorin 2026.

Trajneri Gennaro Gattuso kritikoi sistemin aktual të kualifikimeve:
“Në kohën time, më të mirët mes të dytëve shkonin direkt në Botëror. Sot sistemi na detyron të bëjmë mrekullira,” tha ai.

Gattuso gjithashtu krahasoi situatën me Amerikën e Jugut, ku shumica e ekipeve kualifikohen direkt: “Kjo është padrejtësi dhe duhet të ndryshojë.”

Pas ndeshjes, lojtarët u përballën me brohoritje dhe sharje nga tifozët që udhëtuan në Moldavi, por Gattuso i mbrojti:

“Tani duhet të qëndrojmë të bashkuar. Ata që luajtën bënë mirë, edhe pse kemi pasur shumë ndryshime për shkak të dëmtimeve.”

Italia nuk ishte kualifikuar në dy Botëroret e fundit (2018 dhe 2022) përmes play-off-ve, gjë që e bën sfidën ndaj Norvegjisë edhe më dramatike.