Dramë, tension, gola, por nuk ka fitues në derbin Tirana – Partizani

Ka përfunduar pa fitues derbi i javës së 33-të në Kampionatin Shqiptar të Futbollit, mes Tiranës dhe Partizanit.

Ndeshja e cila mund të vendos kampionin e Shqipërisë, përfundoi me rezultat të barabartë 1-1, shkruan IndeksOnline.

Pjesa e parë përfundoi pa gola 0-0, derisa me të filluar pjesa e dytë, Da Silva i dha epërsinë Partizanit në minutën e 53-të.

Bardheblutë nuk u dorëzuan dhe barazuan rezultatin në minutën e 81-të, me një supergol nga distanca të shënuar nga Ardit Deliu.

Kur kanë mbetur edhe tre ndeshje deri në përfundim të kampionatit, Tirana vazhdon të jetë lidere me 60 pikë, dy më shumë se Partizani./IndeksOnline/