Drita përforcohet me Ardijan Cuculin

Klubi i futbollit, Drita ka zyrtarizuar transferimin e Ardjian Cuculit nga ekipi i Kukësit.

32 vjeçari nga Maqedonia ka gjithashtu edhe nënshtetësinë shqiptare, ndërsa ka luajtur për grupmoshat e reja të përfaqësueses së Maqedonisë dhe disa paraqitje edhe me ekipin e parë.

Drita po përgatitet për sezonin e ri që do të fillojë këtë javë dhe shikuar në transferimet e të gjitha ekipeve pritet të jetë një sezon i mrekullueshëm.

Drita me anë të një postimi në Facebook e ka bërë publike lajmin për transferimin e Cuculit dhe thanë që prezentimi do të bëhet në ditët në vijim./Indeksonline/