Drita solidarezohet me protestën e sotme në Tiranë, stërviten me fanellat e UÇK-së

Skuadra e Dritës është solidarizuar me protestën e sotme e cila u mbajt në Tiranë, në përkrahje të ish-krerëve të UÇK-së.

Kampioni në fuqi i Kosovës, sot kreun stërvitjen e radhës, ku të gjithë futbollistët veshën fanellat e UÇK-së, shkruan IndeksOnline.

”FC DRITA – ME ZEMËR E ME KRENARI PËR HERONJTË E LIRISË!

Në çdo fushë, në çdo ndeshje, në çdo zemër rreh dashuria për atdheun.

Sot, ne qëndrojmë bashkë, lojtarë, tifozë e qytetarë, për heronjtë tanë, që dhanë gjithçka për lirinë që gëzojmë sot.

Ata nuk janë fajtorë, janë luftëtarë të drejtësisë dhe dinjitetit kombëtar, vlera me e lavdishme e kombit tonë.

Nga Gilani në çdo cep të Kosovës, zëri ynë është një:

Liria nuk gjykohet! UÇK është krenaria jonë!

Me ju, deri në fund!”, thuhet në postimin e Dritës./IndeksOnline/