Drogba me gjest të madh për shtetin e tij, kjo është ndihma që i ofroi për ta mposhtur koronavirusin

Ish- ylli i Chelsea , Didier Drogba ka ofruar spitalin e tij në Bregun e Fildishtë që të përdoret si një qendër trajtimi për koronavirus , pasi vendi përgatitet për një kërcim të madh në raste.

Spitali, që është me qendër në qytetin e Abidjan u hap në vitin 2016 dhe mban emrin e ish-futbollistit të Bregut të Fildishtë, Laurent Pokou, i cili ndërroi jetë në të njëjtin vit që u hap, shkruan Indeksonline.

Përhapja e tanishme e COVID-19 ka mbetur e kontrollueshme në të gjithë Afrikën, megjithatë ka frikë se virusi vdekjeprurës do të përhapet shumë më shpejt.

Drogba është falënderuar për ‘gjestin e tij patriotik’ nga Vincent Toh Bi Irie, kreu i këshillit rajonal të Abidjan, i cili tha se spitali do t’i ndihmojë ata të luftojnë sëmundjen.

“Falënderojmë Drogba për këtë dhuratë të konsideruar si një akt patriotizmi,” tha Toh Bi.

Rasti i parë i koronavirusit është regjistruar në vendin afrikan me 11 Mars dhe që nga ajo ditë 574 persona janë të diagnostikuar me virus dhe pesë kanë vdekur. /IndeksOnline/