Droni i SHBA-ve vret aksidentalisht 30 fermerë në Afganistan, kishte për qëllim ISIS-in

Të paktën 30 civilë u vranë dhe 40 u plagosën në një sulm ajror të kryer nga forcat e sigurisë afgane, të mbështetur nga mbështetja ajrore e SHBA-ve, në lindje të Afganistanit, thanë zyrtarët të enjten.

Sulmi, të mërkurën në mbrëmje kishte për qëllim shkatërrimin e një strehimi të përdorur nga militantët e ISIS, por ai qëlloi aksidentalisht fermerët pranë një fushe, deklaruan tre zyrtarë qeveritarë për Reuters.

Sohrab Qaderi, një anëtar i këshillit të krahinës në provincën lindore Nangarhar, tha se një sulm me dronë vrau 30 punëtorë në një fushë arre dhe të paktën 40 të tjerë u plagosën, transmeton IndeksOnline.

“Punëtorët kishin ndezur një zjarr dhe ishin ulur së bashku kur një dronë i vuri në shënjestër”, tha plaku i fisit Malik Rahat Gul për Reuters.

“Forcat amerikane kryen një sulm me dronë kundër terroristëve Da’esh (IS) në Nangarhar,” tha koloneli Sonny Leggett, një zëdhënës për Operacionin Liria e Sentinel, operacioni i udhëhequr nga SH.B.A. në Afganistan. “Ne jemi të vetëdijshëm për pretendimet për vdekjen e jo-luftëtarëve dhe po punojmë me zyrtarët lokalë për të përcaktuar faktet”.

Një numër civilësh janë vrarë, si nga ekstremistët si ISIS dhe Taliban, ashtu edhe nga forcat amerikane, tregoi një raport i korrikut të OKB. Sipas raportit 3,812 civilë në Afganistan kanë vdekur vetëm në gjysmën e parë të vitit. /IndeksOnline/