Dua Lipa në rolin e gazetares, sonte në intervistë me kryetarin e Prishtinës, Shpend Ahmeti
Këngëtarja shqiptare me famë botërore Dua Lipa, sonte pritet të realizojë një intervistë me kryetarin e Prishtinës, Shpend Ahmetin.
Intervista pritet të mbahet në platformën ‘online’ duke filluar nga ora 21:00, në Facevbook Live, derisa Dua u ka kërkuar fansave që ti propozojnë ndonjë pyetje për t’ia bërë kryetarit të kryeqytetit të Kosovës, shkruan Indeksonline.
Më poshtë mund ta gjeni postimin e plotë të Dua Lipës, e cila ftoi fansat ta ndjekin.
Dëshiroj ta falenderoj shumë kryetarin e qytetit tonë, Prishtinës, z. Shpend Ahmeti (@shpend34) për punën e pandalshme dhe kujdesin ndaj qytetarëve në luftën kundër COVID-19.
Ka qenë tejet mbresëlënëse me e pa bashkëpunimin e madh të komunës dhe qytetarëve, dhe masat të cilat secili prej jush i keni ndërmarrë për parandalimin e përhapjes së virusit.
Të dielen (nesër) do ta intervistojmë Kryetarin me PYETJET e JUAJA.
Pyete Kryetarin, duke dërguar pyetjet në info@republika.tv, ndërsa unë do t’ia përcjelli ato gjatë intervistës që do ta kemi bashkë, këtë të diel në orën 21:00PM CET.
Ju dua shumë. Kujdesuni për veten dhe njëri-tjetrin. Shihemi të dielen mbrëma./Indeksonline/