Dua Lipa për revistën e njohur botërore, s’harron ta përmendë Kosovën

Këngëtarja shqiptare Dua Lipa ka arritur një sukses të madh në arenën ndërkombëtare falë talentit të saj në muzikë, shkruan Indeksonline.
Së fundmi këngëtarja e njohur është intervistuar nga revista e famshme botërore “Vogue”, e cila ka dhënë vlerësim maksimal për Dua-n, teksa ajo nuk ka harruar ta përmendte edhe Kosovën gjatë intervistës.

Pa dyshim se askush, mbase as vetë Dua Lipa, nuk ka mundur ta parashikonte një trajektore të tillë të jashtëzakonshme të rritjes së suksesit të saj, pasi ajo hyri në heshtje, por në mënyrë konfidenciale në mesin e më të mirave në muzikën “Pop” më 2015 me “single”-in e saj të parë, “New Love”, ka shkruar ndër të tjera revista “Vogue”.

Dua u bë artistja femër më e transmetuar në Spotify në fillim të vitet 2017-2018, ndërsa ajo në vitin 2018 fitoi dy “Brit Awards”, e ndjekur nga një tjetër sukses i radhës kur ajo mori në shtëpi dy çmime “Grammys” në vitin 2019. Jo keq për një vajzë nga veriu i Londrës (me prindër nga Kosova, të cilët kërkuan strehim në Mbretërinë e Bashkuar në vitin 1992), ka shpjeguar më tej prejardhjen e saj revista prestigjioze.

Ju gëzoni një trashëgimi të pasur, gjyshi juaj Seit Lipa, ishte kreu i Institutit të Historisë së Kosovës, i cili luftoi për t’i siguruar që rrëfimet e njerëzve?

“Epo po, unë vij nga një familje emigruese dhe nga një familje që më kanë thënë gjithmonë të kujtoj rrënjët e mia dhe të krenohem për këtë. Me gjithçka që po ndodh në botë, mua më vjen shumë natyrshëm të ngrihem dhe të flas për padrejtësitë. Unë jam shumë i hapur për gjërat që janë të rëndësishme për mua. ” : ka thënë Dua Lipa.

Ju dhe familja juaj vërtet po investoni në Kosovë me festivalin “Sunny Hill” dhe Akademinë, e cila mbështetë talentët e rinjë…

“Qëllimi ynë që nga fillimi ishte që një ditë të hapim një Akademi në Kosovë, të cilën ne kemi qenë në gjendje ta bëjmë pas festivalit këtë vit. Ne donim të ndërtonim studiot e provave dhe një studio regjistrimi për “demo” dhe “podcast”, një hapësirë ​​krijuese e sigurt për fëmijët të dilnin nga rrugët. Kjo është një përvojë plotësisht e lirë. Duhen disa vjet pasi ne duhej të bisedonim me kryetarin e Prishtinës për të na dhënë një hapësirë. Vitin e kaluar, ne kemi dhënë paratë që kemi bërë nga festivali për OJQ-të, që kanë për detyrë të organizojnë më shumë festivale për të rinj, korin filarmonik në Kosovë dhe gjithashtu Down Sindromin e Kosovës. Por këtë vit ne më në fund arritëm të krijonim këtë hapësirë ​​që do të hapet siç duhet në vitin 2020. Akademia e Muzikës ‘Quincy Jones’ në Los Angeles ishte vërtet e sjellshme dhe na dha tre bursa muzikore për tre fëmijë kosovarë nga Sunny Hill për të bërë një fondacion në LA në shkrime dhe prodhime këngësh, të cilat shpresojmë se do të jemi në gjendje t’i bëjmë çdo vit. Ka kaq shumë talent në Kosovë, kështu që ne me të vërtetë duam të sigurohemi që fëmijët të kenë mundësi.” : ka potencuar ndër të tjera, këngëtarja më e suksesshme shqiptare Dua Lipa. /Indeksonline/