Dua Lipa pushton skenën e Glastonbury: E kam ëndërruar këtë moment gjatë gjithë jetës
![](https://indeksonline.net/wp-content/uploads/2024/06/dua.jpg)
Dua Lipa, këngëtarja shqiptare me famë botërore, performoi në festivalin më të madh britanik, Glastonbury Festival. BBC shkruan se ylli i popit ngjiti skenën me një performancë ambicioze dhe dinamike.
Ajo doli në skenën e famshme të Piramidës të Glastonbury Festival, pas orës 22:00, duke e hapur paraqitjen e saj me një performancë të përsosur të këngëve të saj si: Training Season, One Kiss, Illusion, Break My Heart dhe Levitating.
![](https://abcnews.al/wp-content/uploads/2024/06/2de365b0-35a8-11ef-a044-9d4367d5b599.jpg-640x360.webp)
BBC gjithashtu lavdëroi koreografitë e saj, të cilat thotë se lanë njerëzit pa frymë dhe ritmi i performancave të artistes shqiptare nuk u ndal gjatë gjithë natës.
![](https://abcnews.al/wp-content/uploads/2024/06/2283de20-35a8-11ef-a044-9d4367d5b599.jpg-1-640x360.webp)
Dua Lipa përmbylli performancën me këngën hit “Houdini”. Gjatë skenës ajo vazhdimisht tha se e kishte manifestuar pikërisht momentin kur do të performonte në Glastonbury duke theksuar gjithashtu se kishte ëndërruar që të ishte artistja kryesore e këtij festivali edhe përpara se të regjistronte albumin e saj të parë.
![](https://abcnews.al/wp-content/uploads/2024/06/17d7a100-35a8-11ef-bdc5-41d7421c2adf.jpg-640x360.webp)
“E kam shkruar këtë moment në letër, e kam dëshiruar dhe e kam ëndërruar duke punuar shumë”, i thoshte ajo turmës.
Dua Lipa është një artiste që ka shkruar histori për shqiptarët, dhe është shqiptarja e parë që ka fituar çmime Grammy.
![](https://abcnews.al/wp-content/uploads/2024/06/b7e3ff90-35da-11ef-b338-3f18c2b97ab1.jpg-640x360.webp)
Glastonbury është festivali më i madh që zhvillohet rregullisht çdo vit që nga viti 1960.