Dukagjin Morina, mjeku shqiptar që i shpëtoi jetën katër vjeçarit me lëndime në tru (Video)
Ishte vetëm 4 vjeçar dhe ishte keqtrajtuar aq shumë saqë ambulanca mezi arriti në kohë për t’i ndihmuar Maksit. Pas ekzaminimit u pa se fëmija kishte lëndime serioze në kokë dhe mund të pritej gjakderdhje në tru.
“Ne pranuam një fëmijë me enjtje masive të trurit si pasojë e dhunës fizike që fëmija kishte përjetuar. Ishte i pavetëdijshëm dhe ishte në rrezikë jete për shkak të ënjtjes.” kujton Dr. Volker Soditt që është mjeku kryesor i klinikës së fëmijëve Solingen në Gjermani.
Por doktori shqiptar, Dukagjin Morina që është mjek në Departamentin e Neurokirurgjisë në këtë klinikë arriti që të shpëtojë Maksin e vogël. Ai urgjent futi fëmijën në operacion dhe ia hapi kafkën për të parandaluar gjakderdhjen në tru.
Procedura ishte shumë e vështirë dhe gabimi më i vogël mund t’i kushtonte me jetë pacientit. Kafka e Maksit u la e hapur nga doktori shqiptar për disa kohë pas operacionit në mënyrë që t’i ulej enjtja, transmeton Indeksonline.
Doktor Dukagjini i qëndroi tërë kohën afër Maksit i cili pati fatin që të ketë kujdesin intensiv nga mjeku shqiptar. Pas më shumë se dy javë, Maksi u ktheyer në sallën operative të spitali dhe gjendje po i përmisohej.
“Pengesa e parë u kalua”, tha Dukagjini i cili ka qenë mjek për më tepër së dy vjet në ekipin e Dr. med Ralf Buhl. Por ky nuk është rasti i vetëm kaq i vështirë që doktori shqiptar arriti që ta kalonte me shumë sukses sepse ai kishte edhe përvoja të tjera me fëmijë të lënduar në pjesën e trurit pas dhunës.
“Për fat të keq kjo ka ndodhur disa herë gjatë karrierës time si mjek. Kjo më habit shumë”, tha Dukagjin Morina.
Shërimi i Maksit vazhdoj ngadal por në një pikë ai arriti që ta marrë veten, sigurisht me ndihmën e ekipit të mjekëve specialist që i qëndruan afër në çdo moment.
Secilën ditë kishte ndonjë përmisim nga Maksi i vogël deri sa ai u largua nga spitali shumë i buzëqeshur dhe i lumtur pas më shumë se dy muajsh qëndrimi në Klinikën Solingen./Indeksonline/