Dukagjini kryen detyrën ndaj Feronikelit ’74, e mposht edhe me dy lojtarë më pak

Dukagjini e ka shënuar fitoren e dytë radhazi në Superligën e Kosovës në futboll.

Skuadra e drejtuar nga Ismet Munishi, vërtetoi edhe njëherë formën fantastike që po kalon, duke mos pësuar humbje në pesë ndeshjet e fundit, shkruan IndeksOnline.

Dukagjini e mposhti para tifozëvew të vet skaudrën e Feronikelit ’74, me rezultat 2-1, edhe pse për disa minuta luajt me dy lojtarë më pak.

Pjesa e parë u mbyll me barazim 0-0.

Hekuran Berisha i dha epërsinë dukagjinit, me goline shënuar në minutën e 58-të.

Shtatë minuta më vonë, Feronikeli ’74 pati mundësinë për të barazuar rezultatin, por Suad Sahiti gaboi nga penalltia. Gjuajtja e tij u prit nga portieri Altik Muhaxhiri.

Në vazhdim, skuadra nga Klina mbeti me dy lojtarë më pak, pasi Hekuran Berisah në minutën e 74-të dhe Faton Neziri në minutën e 81-të, u ndeshkuan me kartona të kuq.

Pas kësaj, Feronikeli ’74 barazoi shifrat në minutën e 88-të, pasi sulmuesi grek, Nikolaos Ioannidis e dërgoi topin në rrjetë.

Por ”drama” në stadiumin ”18 Qershori” në Klinë, nuk përfundoi këtu.

Dukagjini arriti ta rikthente epërsinë, me golin e Vitor Hugo në minutat shtesë, gol ky i cili fillimisht u anulua nga gjyqtari anësor, por pas rishikimit nga VAR u pranua si i rregullt.

Pas kësaj fitore, Dukagjini e sheh veten në pozitën e gjashtë me 17 pikë, ndërsa Feronikeli renditet i fundit me vetëm tri pikë./IndeksOnline/