Dy ish-kampionë të botës e përkrahin Gani Dreshajn në garën për deputet
Gani Dreshaj po del të jetë një nga kandidatët me përkrahjen më të madhe në koalicionin AAK-PSD.
Biznesmeni nga Istogu që njihet për shumë vepra humane gëzon përkrahjen nga dy ish-kampionë të botës.
Pasi ia konfirmoi përkrahjen boksieri Luan Krasniqi, tashti Dreshaj gëzon përkrahjen edhe të ish-kampionit të botës në karate, Enver Idrizi.
“Kur Kosovën dhe sportin kosovar s’e njihte askush, unë në Gjermani krenohesha me disa individë.
Enver Idrizi e Luan Krasniqi ishin disa nga ata që termin “kosovar” bënin që atëbotë të lakohej në mediat gjermane.
Sot ne lumturohemi me sukseset e shumë sportistëve e skudrave në sporte të ndryshme.
Kam arsye për të qenë edhe më i lumtur që gëzoj përkrahjen në garën për deputet nga një ish-kampion i botës.
Faleminderit, Enver Idrizi” shkruan Dreshaj në Facebook./Indeksonline/