Dy punonjës të Ambasadës izraelite u ekzekutuan në Washington, sulmuesi tha vetëm një fjali

Dy punonjës të Ambasadës izraelite u vranë jashtë Muzeut Hebraik në Uashington DC. Elias Rodriguez është personi që qëlloi dhe vrau një çift hebre.

“E bëra për Gazan. Palestina e Lirë” ishte thënja e sulmuesit pasi kreu aktin.

Sky News raporton se çifti i ri që u vra në Uashington do të fejohej këtë javë. Këtë e bëri të ditur ambasadori izraelit.

“Unaza u ble ditët e fundit. Ata do të udhëtonin për në Jerusalem për t’u fejuar. Dhe sot ata ishin viktima të këtij sulmi të tmerrshëm, raporton një gazetar i Sky News./Indeksonline/