Dy të vrarë e disa të plagosur jashtë një kishe mormone, në Salt Lake City

Dy persona janë vrarë dhe disa të tjerë janë plagosur nga të dhënat me armë në vendparkimin e një kishe mormone në kryeqytetin e Utah, Salt Lake City në Shtetet e Bashkuara.

Policia tha se të shtënat ndodhën të mërkurën në parkingun e një shtëpie mbledhjesh të kishës së Jezu Krishtit të shenjtorëve të ditëve të mëvonshme, ku dhjetëra njerëz po merrnin pjesë në një funeral, raporton “AlJazeera”.

Tri nga gjashtë viktimat e plagosura janë në gjendje kritike.

Policia konfirmoi se deri tani nuk ka asnjë të dyshuar dhe tha se ka nisur një hetim, me FBI-në që thuhet se ofron ndihmë.

Ndërsa policia tha se nuk besonte se të shtënat ishin të rastësishme, shefi i policisë së Salt Lake City, Brian Redd, i tha agjencisë së lajmeve Associated Press se nuk dukej të ishte një sulm i synuar kundër një feje.

Zëdhënësi i kishës, Glen Mills, u tha gazetarëve se kishte shenja të një përleshjeje jashtë kishës, ku po zhvillohej një funeral.