Dybala në radarin e Romës

Roma thuhet se do t’i bashkohet garës për të siguruar nënshkrimin e Paulo Dybalas pas skadimit të kontratës së tij me Juventusin.

Sulmuesi 28-vjeçar argjentinas do t’i japë fund lidhjes së tij shtatëvjeçare me Bianconerët në fund të këtij sezoni, duke e lënë atë të gjejë një shtëpi të re.

Ish-lojtari i Palermos nuk ka marrë ende një vendim, por ka opsione në Spanjë, si dhe në Itali me Interin, shkruan footballitalia.

Siç raportohet nga Radio Radio, Roma i ka vënë sytë Dybalas dhe ata janë të prirë ta marrin atë gjatë verës, veçanërisht nëse vendosin ta shesin Nicolo Zaniolon.

Është ende e paqartë se cila do të jetë e ardhmja për talentin italian, por tani për tani kontrata e tij me Giallorossit nuk do të rinovohet. Juventus thuhet se dëshiron ta marrë atë në verë.

Dybala ka shënuar 13 gola dhe ka kontribuar me gjashtë asistime në 33 paraqitje në të gjitha garat deri më tani këtë sezon.