Dyshimet për manipulim të zgjedhjeve në Mitrovicë, Çitaku: Duhet të hetohet

Deputetja e Partisë Demokratike të Kosovës (PDK), Vlora Çitaku, ka reaguar pasi dyshimeve se ka pasur manipulime në zgjedhjet në Komunën e Mitrovicës.

Policia dhe Prokuroria kanë shkuar në Qendrën e Numërimit.

Çitaku ka thënë se çdo parregullsi duhet të hetohet nga organet kompetente.

“Qytetarët e Mitrovicës e kanë merituar dhe e meritojnë një proces zgjedhor demokratik, transparent dhe të ndershëm, pa intimidime, pa presione, pa ndërhyrje. Çdo parregullsi, para, gjatë dhe pas procesit zgjedhor duhet të hetohet nga organet kompetente, pa asnjë ndikim apo ndërhyrje politike. Vota është e shenjtë dhe duhet mbrojtur me çdo kusht”, ka thënë Çitaku.