E bardha mbetet ngjyra më popullore në industrinë e veturave

Kompania “Axalt”, që merret me prodhimin e ngjyrës për automobila, ka publikuar raportin e saj vjetor në lidhje me ngjyrën e parapëlqyer gjatë vitit 2020 dhe sipas statistikave, 81 për qind të veturave janë të ngjyrosura me vetëm katër ngjyra.

Raporti tregon se tashmë dhjetë vjet, ngjyra më popullore e veturave është e bardha.

Plot 38 për qind e veturave të prodhuara gjatë vitit 2020 janë ngjyrosur me të bardhë, pastaj 19 për qind me të zezë dhe 15 për qind me ngjyrë hiri dhe 9 për qind me atë të argjendtë.

Pjesa e mbetur e veturave janë në grupin e ngjyrave të tjera – gjithsej 19 për qind.