“E injoroi kolegen”, reagimi i Miley Cyrusit ndaj fitores së Lady Gagas bëhet virale

Rrjetet sociale janë vërshuar me komente rreth reagimit të Miley Cyrusit pas humbjes ndaj Lady Gagas në ceremoninë e ndarjes së çmimeve “Grammy” mbrëmë.

Të dy këngëtaret u nominuan në kategorinë për albumin më të mirë vokal pop, së bashku me Justin Bieber, Sabrina Carpenter dhe Teddy Swims, transmeton Indeksonline.

Kur Teyana Taylor dhe Nikki Glaser njoftuan se Lady Gaga kishte fituar çmimin, kamera kapi menjëherë reagimin emocional të këngëtares. Gaga mbuloi fytyrën me duar dhe shpërtheu në lot, dukshëm e prekur nga rezultati. I fejuari i saj Michael Polansky e puthi në kokë përpara se ajo të shkonte në skenë për të pranuar çmimin.

Pasoi një foto e Sabrina Carpenter duke u ngritur në këmbë dhe duke duartrokitur fituesen, përpara se kamera të drejtohej nga Miley Cyrus dhe i fejuari i saj Maxx Morand. Ndryshe nga pjesa tjetër e audiencës, të dy qëndruan ulur ndërsa të gjithë përreth tyre u ngritën për të përshëndetur Gaga-n, duke bërë që shumë të arrinin në përfundimin se Miley dukej “mjaft indiferente”.

Sjellja e saj nuk kaloi pa u vënë re nga shikuesit. “Miley Cyrus nuk u ngrit në këmbë dhe as nuk duartrokiti kur Gaga fitoi…” shkroi një përdorues në Xu. Një tjetër e përshkroi reagimin e saj si “djallëzor dhe të hidhur”, ndërsa një i tretë shtoi: “Tani më duhet një shpjegim pse Miley u ul ndërsa Gaga fitoi”.

“[A las mujeres dedicadas a la música], quiero animarlas a que siempre se escuchen a sí mismas y luchen por sus ideas. Luchen por sus canciones. Luchen por ustedes mismas como productoras”.

– Lady Gaga al ganar el premio al Mejor Álbum Pop Vocal. #GRAMMYs pic.twitter.com/uXEFasZvA5

— Carla ❁ (@shannonlada) February 2, 2026

Në fjalimin e saj të pranimit të çmimit, Lady Gaga theksoi veçanërisht mbështetjen e partnerit të saj.

“Para së gjithash, duhet ta falënderoj partnerin tim Michael,” tha ajo e emocionuar. “Të dua pa masë. Je aty për mua çdo ditë në një mënyrë që nuk mund të të falënderoj kurrë mjaftueshëm. Punove kaq shumë me mua për këtë album dhe gjatë gjithë vitit. Kjo është arsyeja pse të dua dhe të falënderoj.”/Indeksonline/