E kishte dhunuar një shqiptare, konfirmohet dënimi i Robinhos me 9 vite burg

Vendimi i Gjykatës së Apelit të Milanos konfirmoi dënimin me nëntë vjet burg për Robinho dhe shokun e tij Falco.

Të dy poshtëruan dhe përdhunuan një vajzë në vitin 2013 që sipas raporteve ishte shqiptare, shkruan Indeksonline.

Siç raporton ANSA, në vitin 2013, kur ai ishte ende një futbollist i Milanit, Robinho u akuzua për përdhunimin e një vajze e cila ishte vetëm njëzet e tre në atë kohë.

Ngjarja brutale, sipas asaj që u mblodh, ndodhi në një klub nate milanez: braziliani, së bashku me katër miq të tjerë, e bëri vajzën të dehur dhe më pas e përdhunoi në një dhomë zhveshjeje të klubit.

Kjo aktakuzë më pas u konfirmua nga seksioni i parë penal i apelit. Muaj më pare Santos, ekipi brazilian që Robinho zgjodhi për t’i dhënë fund karrierës së tij në futboll, e largoi atë nga skuadra.

Kjo sepse në Brazil përsëri flitej për këtë gjyq të famshëm dhe ishin publikuar disa përgjime të hetimit për dhunën ndaj vajzës.

Vendimi i Gjykatës së Apelit në Milano konfirmoi dënimin nëntë vjet për Robinhon dhe mikun e tij Ricardo Falco, i vetmi midis katër të tjerëve që u përgjua.

Të dy brazilianët u dënuan gjithashtu për të dëmshpërblyer viktimën, palën civile me avokatin Jacopo Gnocchi, me 60 mijë euro. /IndeksOnline/