E konfirmon PSG-ja, s’ka asnjë progres në çështjen e Neymar

Ndjekja e Neymarit nga Barcelona është në një ndalesë, sipas drejtorit sportiv të Paris St Germain Leonardo.

Kthimi i shumëpritur i brazilianit në Spanjë nuk është materializuar ende, dhe ndërsa Leonardo pranoi se kishte pasur bisedime mes palëve, nuk ka pasur ndonjë përparim.

Neymar ka tërhequr interesin nga ish klubi Barca, i cili u largua në 2017 për t’u bashkuar me PSG në transferimin më të shtrenjtë në botë me 222 milion euro, gjithashtu edhe nga Real Madrid.

“Ka negociata me klubet, siç e dinë të gjithë, por asgjë nuk ka përparuar” – i tha Leonardo RMC Sport, transmeton Indeksonline.

Neymar është duke u rikuperuar nga një dëmtim në këmbë, i cili e pa atë të humbasë fundin e sezonit të kaluar.

Sulmuesi theu metatarsalin e pestë në këmbën e tij të djathtë, por Leonardo tha se tani është shëruar plotësisht.

“Është e thjeshtë. Ekipi mjekësor dhe kirurgët më të mirë në botë po kujdeseshin për Neymar që nga fillimi i sezonit,” tha 49-vjeçari.

“Fraktura në metatarsalin e pestë është shëruar. Lëndimi i Neymar është përmirësuar plotësisht” – përfundoi drejtori sportiv i PSG-së./Indeksonline/