E kryer: Astrit Fazliu rikthehet te FC Drita!

Tashmë mund të quhet punë e kryer. Astrit Fazliu është përforcimi i parë i FC Dritës në afatin kalimtar të janarit 2020, raporton ekskluzivisht gazeta “Sheshi:.com.

Në fakt për futbollistin ferizajas ky do të jetë një rikthim në “shtëpinë e vjetër”, pasi ishte pjesë e “bardhekaltërve” edhe dy vjet më parë.

Gazeta “SHESHI” mëson ekskluzivisht se Fazliu do të prezantohet këtë të mërkurë (18 dhjetor) ose më së largu të enjten (19 dhjetor).

Për shërbimet e Fazliut ishin të interesuar edhe disa skuadra të tjera, në mesin e tyre edhe ajo e FC Prishtinës.

Fazliu rikthehet te Drita si kampion dhe fitues i kupës me Feronikelin, ndërkohë që synon që trofeun e më të mirit të vendit ta rikthejë sërish në Gjilan, aty ku e la në vitin 2018.