E la serben për bullgaren, Schweinsteiger kapet mat me të dashurën e re

Ish-ylli i futbollit Bastian Schweinsteiger u fotografua duke u puthur dhe duke shijuar disa momente argëtimi veror në plazh me partneren e tij të re Silva Kapitanov, ndërsa ishin me pushime në Greqi.

Çifti dukej i relaksuar dhe i dashuruar, dhe kjo është dalja e parë publike e Schweinsteiger me partneren e tij të re pa e fshehur këtë, pas divorcit të tij nga ish-gruaja, tenistja serbe Ana Ivanovic .

Fotot u bënë shpejt virale në portale dhe rrjetet sociale, dhe komentet janë të pafundme, veçanërisht pasi Silva është gruaja që, sipas disa burimeve, ishte shkaku i prishjes së një prej martesave më harmonike sportive.

Sipas informacioneve nga Bild, Bunte dhe Kronen Zeitung, Ivanovic dhe Schweinsteiger u divorcuan në Zvicër, në një të ashtuquajtur “divorc emergjent” që përfshinte një procedurë të shpejtë dhe ekspozim minimal publik.