E mbani mend Schneiderlinin, ish-lojtari i Unitedit merr pozitë të re në këtë klub

Të gjithë e njohim mesfushorin francez, Morgan Schneiderlin.

Ai mbahet mend për periudhën e tij dyvjeçare në Premierligë, kur ishte pjesë e Manchester Unitedit nën urdhërat e Louis Van Gaal dhe Jose Mourinhos.

Ndërsa tani Schneiderlin pas pensionimit në vitin 2024, ka marrë një detyrë të re në futboll.

Ai është emëruar si menaxher i huazimeve te skuadra ku nisi gjithçka, Strasbourg.

Në pozicionin e tij të ri, ai do të jetë përgjegjës për menaxhimin e përditshëm të lojtarëve të huazuar në klube të tjera dhe do të koordinohet me Strasbourgun, ku do të punojë ngushtë me David Weir, drejtorin sportivin të skuadrës për të nxitur zhvillimin e talenteve të reja dhe lojtarëve premtues./IndeksOnline/