E refuzuan Turqia dhe Egjipti, anija e stërmbushur me LGBT arrin në Kroaci

Anija turistike Scarlet Lady lundroi në portin e pasagjerëve të Gaženica në Zadar rreth orës 10 të mëngjesit të sotëm. Është një nga anijet më të famshme të kompanisë Virgin Voyages, e cila është pronare e miliarderit britanik Richard Branson.

Kjo anije luksoze turistike është 277 metra e gjatë dhe mund të akomodojë rreth 2,770 pasagjerë. Është e njohur për konceptin e saj modern të lundrimit të destinuar ekskluzivisht për të rritur, por edhe për udhëtimet tematike që organizon gjatë gjithë vitit.

Midis tyre janë edhe udhëtime speciale me anije për anëtarët e komunitetit LGBT+, të cilat e sollën Scarlet Lady në qendër të vëmendjes së mediave botërore në fillim të korrikut.

Më herët këtë muaj, një udhëtim dhjetëditor me anije nga Athina në Venecia, i organizuar nga Atlantis Events, mbeti pa një ndalesë të planifikuar në Turqi, pasi autoritetet atje refuzuan të lejonin ankorimin e anijes .

Autoritetet lokale lëshuan një deklaratë duke thënë se udhëtimi ishte marrë me qira nga “grupe të njohura për sjelljen e tyre që nuk është në përputhje me strukturën e shoqërisë sonë dhe vlerat tona morale”. Ata shtuan se mbërritja e anijes kishte shkaktuar “shqetësim të konsiderueshëm publik” dhe thanë se “nuk ka mundësi që një grup i tillë të vizitojë provincën për një ngjarje të kësaj natyre”.

Sipas disa mediave të huaja, anija nuk u ankorua në asnjë port në Egjipt gjatë të njëjtit udhëtim./Indeksonline/