E rrallë, foshnja që lindi me shenjën e “Batmanit” në fytyrë i nënshtrohet operimit
Foshnja amerikane që kishte lindur me shenjë të ‘Batmanit’ në fytyrën e saj iu ka nënshtruar me sukses operimit të parë pas fluturimit në Rusi.
Luna Fenner nga Florida ka lindur me “Naevus kongjenitale melanocitike”, shkruan Dail Mail, transmeton Indeksonline.
Carol Fenner, nëna e Lunas kishte biseduar me doktorët në SHBA, mirëpo nuk kishte arritur sukses, kështu që Carol ra në kontakt me kirurgun rus i cili i ofroi tretman i cili nuk nuk është i disponueshëm në SHBA.
Operimi i parë i cili është me më pak ndërhyjre dhe më i lirë ka shkuar me sukses.
Carol ishte paralajmëruar në SHBA se gjendja e vogëlushes së saj mund të prodhoj kancerin e lëkurës, si dhe do të duhej ti nënshtrohej 100 operimeve për 5 pesë me rreze laser.
Mirëpo ishte Dr.Pavel Popov, mjek në Rusi që kishte parë rastin në gazetë dhe i kishte ofruar Lunas 18 operime për të trajtuar gjendjen e saj.
“Deri më tani është trajtuar lëkura në pjesën e sipërme të ballit dhe nuk mund të themi saktësisht se kur do ti nënshtrohet Luna operimeve të tjera”.
Secili operim ka një kosto prej 25,000 dollarë amerikan dhe familja është duke kërkuar fonde në internet.
Nëna e Lunas, Carol thotë që ky është një tretman shumë më i lirë se sa ata që i ishin ofruar atyre në SHBA, si dhe asaj i ishin dhënë këshilla të ndryshme nga doktorët dhe nuk kishte njohuri se cfarë të vepronte.
Metoda e dr.Popov nuk përfshin operim në shkallë të gjerë dhe as sasi gjaku.
Dr. Popov ka thënë se ai ka shëruar një rast të ngjashëm të një vogëlushje në Rusi./Indeksonline/