Edhe ministri Sveçla do të vaksinohet me AstraZeneca

Ministri i Punëve të Brendshme, Xhelal Sveçla sot në ora 16:00 do të vaksinohet kundër Covid-19 me vaksinën AstraZeneca.

Kështu ka njoftuar vetë ai përmes një postimi në Facebook, derisa ftoi gjithë qytetarët për vaksinim, shkruan Indeksonline.

Postimi i plotë:

Të dashur qytetarë,

Duke ndjekur udhëzimet e Ministrisë së Shëndetësisë dhe aplikacionit e-Kosova, kam aplikuar dhe kam caktuar terminin për tu vaksinuar.

Sot në ora 16:00 do të jem në Sallën 1 Tetori për të marrë dozën e parë të vaksinës të llojit AstraZeneca, e aprovuar nga OBSH.

Ftoj të gjithë qytetarët që plotësojnë kriteret e vendosura nga MSh, të aplikojnë dhe të vaksinohen pasi kjo do të përshpejtojë normalizimin e jetës sonë.