Edhe pse të rrezikuar ndaj virusit, zyrtarët policor vazhdojnë realizimin e detyrave

Zyrtarët policor edhe pse ndodhen çdo ditë e çdo orë të ekspozuar ndaj virusit dhe janë potencialisht të rrezikuar, me përkushtim vazhdojnë realizimin e detyrave dhe aktiviteteve policore.

Megjithatë, kurajo dhe sakrifica e zyrtarëve policor në shërbim të vendit dhe qytetarëve tejkalon çdo barrierë dhe që nga dita e parë e shfaqjes së virusit në vendin tonë po punohet me vetmohim për ta sfiduar këtë armik të padukshëm.

“Së bashku me ju qytetarë të nderuar do të fitojmë edhe këtë luftë të përbashkët kundër virusit, prandaj respektoni masat: mbani higjienën, mbani distancën dhe bartëni maskën“, thuhet në njoftimin e PK-së.

Me respektimin e masave nuk do të ketë nevojë për veprime ndëshkuese ndaj askujt.