Edi Rama: Haradinaj është një gënjeshtar dhe vazhdon të gënjej
Kryeministri Edi Rama kritikoi Kosovën për refuzimin e pjesëmarrjes në samitin e Mini Shengenit Ballkanik, të zhvilluar këtë herë në Tiranë, pas dy takimeve të mëparshme në Novi Sad dhe Ohër. Ai e quajti Kryeministrin në ikje të Kosovës, Haradinaj, gënjeshtar, duke thënë se nuk ka asnjë kusht ndaj Kosovës për të marrë pjesë.
“Haradinaj është një gënjeshtar dhe vazhdon të gënjejë. Nuk e di nëse e bën nga padija, por është gënjeshtar”, tha Rama në një prononcim për mediat pas mbylljes së samitit.
Më parë, gjatë konferencës së përbashkët me liderët e Serbisë, Maqedonisë së Veriut dhe Malit të Zi, Rama tha se nisma nuk është përjashtuese për askënd, është gjithëpërfshirëse, është e hapur, nuk i imponohet askujt dhe nuk imponohet nga askush. I kemi bërë ftesë të gjithëve të marrin pjesë. Më lejoni ta them hapur, se për mua, refuzimi i përsëritur i autoriteteve të Kosovës është i pakuptueshëm dhe i dëmshëm për vetë Kosovën”, tha Rama.
