Edi Rama s’kishte inate me Kosovën – e dërgoi ministren në autostradën “Arbën Xhaferi”
U raportua se kryeministri i Shqipërisë, Edi Rama s’mori pjesë qëllimisht ceremoninë e hapjes së autostradës që bashkon Kosovën me Maqedoninë Veriore (“Arbën Xhaferi”), mirëpo, ndryshe po del të jetë e vërteta.
Kësisoj, Tirana zyrtare nuk bojkotoi këtë ceremoni që u mbajt në aksin rrugor.
Shefi i qeverisë, Edi kishte vendosur që në vend të tij ta dërgonte ministren për rrugë, Belinda Ballukun.
Indeksonline ka realizuar disa fotografi ku shihet ambasadori i Shqipërisë, Qemajl Minxhozi me Minitren e Infrastrukturës dhe Energjisë.
Ndryshe, përpos liderëve kosovarë, Hashim Thaçi, Kadri Veseli dhe Ramush Haradinaj, pjesë e këtij inaugurimi ishin edhe kryeministri i Maqedonisë së Veriut Zoran Zaev ai i Malit të Zi, Dushko Markoviq dhe ambasadorë të akredituar në Kosovë.
Vlen të theksohet se kjo autostradë i ka kushtuar buxhetit të Kosovës mbi 650 milionë euro. /Indeksonline/