Edoni ekspozon “VIP-at”: Mbi 100 personazhe të njohur më kanë shkruar në privat

Ish-banori i “BBVK” Edon Shileku ka qenë i ftuar këtë javë në intervistën e shkurtër 60 sekondëshe të emisionit “Prive”.

Banori i cili u paraqit me dy identitete (një si Edoni dhe tjetri si Drag Queer Victoria Owns) në “Big Brother VIP Kosova”, iu përgjigj disa pyetjeve pikante.

Njëra prej pyetjeve më provokuese ka qenë ajo se sa figura publike i kanë shkruar mesazhe private. Shileku befasoi me përgjigjen e tij duke thënë se janë mbi 100 figura publike që kanë tentuar të futen në komunikim me të.

Sigurisht nuk kishte si të mungonte një pyetje rreth eksperiencës më të çuditshme seksuale, ku aktori theksoi se ka qenë mbi shinat e trenit në mesnatë.

Ndërkohë, Edoni refuzoi t’i përgjigjej pyetjes së fundit, e cila ishte “kur ka qenë eksperienca e fundit treshe”, duke lënë të nënkuptohet se ka qenë së fundmi.