Efekti Ibrahimovic, Milan vazhdon me fitore
Milani ka shënuar një tjetër fitore në Serie A.
Kuqezinjët mposhtën në udhëtim skuadrën e Empolit, me rezultat bindës 3-0, shkruan IndeksOnline.
Ruben Loftus-Cheek hapi serinë e golave në minutën e 11-të.
Olivier Girud dyfishoi epërsinë e Milanit, pasi shënoi nga penalltia në minutën e 31-të. Me rezultat 2-0 u mbyll edhe pjesa e parë.
Fitoren shtatë herë kampionit evropian ia siguroi talenti Chaka Traore në minutën e 88-të.
Sulmuesi 19-vjeçar nga Bregu i Fildisht gjeeti golin e parë në Serie A, derisa ditë më parë shënoi edhe në Kupën e Italisë, në ndeshjen kundër Cagliarit.
Milan mbetet në vendin e tretë në tabelë me 39 pikë, katër më pak se Juventusi dhe nëntë më pak se Interi, që është lidere e Serie A.
Në anën tjetër, Empoli renditet në vendin e parafundit, me 13 pikë të grumbulluara./IndeksOnline/