Ekskluzive: FastKosova arreston në Amerikë kosovarin e kërkuar për vrasjen e para 20 viteve në Gjakovë

Kosovari Dedë Lleshi,  i dyshuar për një vrasje e cila kishte ndodhur në Gjakovë 20 vite me parë, është arrestuar sot në Amerikë, nga njësiti FastKosova.

Lleshi i cili u arrestua sot në Amerikë, akuzohej për vrasjen e cila kishte ndodhur me datën 12 korrik të vitit 2003 në fshatin Raçë, komuna e Gjakovës, ku viktimë kishte mbetur 47 vjeçari Nikollë Pren NIkollaj, i cili ishte vrarë me breshëri plumbash.

Dedë Lleshi  nga fshati Dol Komuna e Gjakovës, në kohën kur ndodhi vrasja ishte vetëm 24 vjeçar dhe se pasi kishte kryer vrasjen, ishte arratisur dhe që nga ajo kohë ndodhej në arrati.

Vrasja dyshohet se ka ndodhur për motive të gjakmarrjes.

Ndryshe, njesiti FastKosova vazhdon të ketë suksese dhe se ky aksion, dëshmon nivelin e lartë të profesionalizmit./Indeksonline/