Ekskluzive/ Arrestohet në Ferizaj “bosi i drogës”, Gëzim Çela

Është arrestuar Gëzim Çela, i njohur ndryshe edhe si “bosi i drogës”.

Burime të Indeksonline bëjnë të ditur se Çela është arrestuar nga një aksion i EUROFAST-it të Kosovës, pak çaste më parë.

Çela po kërkohej nga autoritetet e drejtësisë në Shqipëri.

Ish-punonjësi i policisë, Çela konsiderohet edhe si “baroni i drogës” në Fushë Kuqe, i konsideruar si një prej kokave më të mëdha të trafikut të kokainës dhe heroinës.

Në vitin 2015, Çela është akuzuar për trafik ndërkombëtar kokaine, teksa në vilën e tij në Fushë Kuqe u gjet një sasi prej 18 kg kokainë.

55 vjeçari akuzohet për trafikim me drogë, si dhe prodhim dhe posedim ilegal të armëve, raporton Indeksonline.