Ekskluzive: Lojtari nga Bregut i Fildishtë transferohet te skuadra kosovare

Skuadra e ligës së dytë, KF Vjosa nga Shtimja ka filluar të bëj transferime që nga tash.

Indeksonline ka arritur të kuptoj që KF Vjosa ka arritur marrëveshje me lojtarin nga Bregu i Fildishtë, Tiagouo Kone.

Në një intervistë për Indeksonline, Kone ka konfirmuar këtë lajm duke thënë se do të jetë pjesë e KF Vjosës nga sezoni i ardhshëm.

Ai ka treguar se është hera e parë për të që vjen në Kosovë.

‘Po është hera e parë, por kam vizituar shumë vende të ndryshme në të kaluarën si Tunizia, Moroko, India, Sri Lanka dhe Rusia’, u shprehë ai fillimisht.

Tutje, Kone ka treguar se në cilat skuadra ka luajtur në të kaluarën.

‘Në Bregun e Fildishtë kam luajtur në Domorals Cyril, në Tunizi Afrika Inter, në Sri Lanka për Ratnam Sport dhe në Rusi për ekipin e Aslan Gatagov’, u shprehë ai.

‘Sekretari i klubit të ri më ka thënë se do të vij në gusht në Kosovë’ , tha futbollisti nga Bregu i Fildishtë.

Tiagouo Kone po ashtu ka paraqitje për kombëtaren u16 të Bregut të Fildishtë./Indeksonline/