Ekspertët e shëndetit: Kanabisi ndikon në cilësinë e spermës

Kanabisi ndikon në cilësinë e spermës, duke shkaktuar ndryshime në ADN në ato gjene që rregullojnë formimin e organeve dhe zhvillimin në përgjithësi. Lajmi vjen nga ekspertë të shëndeti, të cilët analizuan spermatozoidet e një grupi të përdoruesve të kanabisit dhe e krahasuan atë me atë të jo duhanpirësve.

Ja çfarë zbuluan.

Studimi. Studiuesit konsideruan një grup minjsh dhe një grup prej 24 burrash, gjysma e të cilëve kishin pirë duhan marijuanë çdo javë për gjashtë muajt e mëparshëm. Të dhënat e mbledhura treguan se sa më e lartë të jetë përqendrimi i THC (substanca psikoaktive e pranishme në kanabis), aq më të mëdha janë ndryshimet gjenetike që gjenden në spermë.

Çfarë do të thotë kjo?

Sperma e atyre që pinë duhan marihuanë. Konkretisht, sipas ekspertëve, THC duket se ka një ndikim në qindra gjene të ndryshme tek minjtë dhe burrat, dhe shumë prej këtyre gjeneve kanë diçka të përbashkët: ato shoqërohen me dy rrugë metabolike, një e përfshirë në ndihmën e organeve të trupit për të arritur madhësinë e tyre të plotë dhe tjetri përfshin një sasi të madhe gjenesh që rregullojnë rritjen gjatë zhvillimit.

Çfarë do të thotë në të vërtetë për zhvillimin e fëmijëve?

Studiuesit thonë se ende nuk është e qartë saktësisht se çfarë mund të na thotë ky zbulim në lidhje me zhvillimin e vërtetë të fëmijëve, me pak fjalë nuk e dimë nëse spermatozoidi me THC është i shëndetshëm bën që të fillojë një shtatëzani dhe nëse lejon zhvillimin normal të embrionit.

Prandaj, studime të mëtejshme janë të nevojshme për të kuptuar pasojat e vërteta të ndryshimeve që sjell konsumi i marijuanës në spermë. “Ne e dimë që ka efekte të kanabisit në mekanizmat rregullues të ADN-së së spermës, por ne nuk e dimë nëse ato mund të transmetohen në gjeneratën tjetër”, përfundojnë ekspertët./b.l/noa.al/