Eksperti i referimit: Goli i Diazit është dashur të anulohej!

Skuadra e Real Madridit arriti fitore 2:1 në ndeshjen e parë të UEFA-së Champions League në fazën e 1/8 së finales ndaj Atletico Madridit në “Santiago Bernabeu”.

Golin e fitores për ekipin e Carlo Ancelottit e shënoi marokeni, Brahim Diaz, shkruan Indeksonline

Pikërisht ky gol ka nxitur shumë reagime në rrjetet sociale. Madje një eksperti i referimit, Pavil Fernandes thotë se goli i Diazit nuk është dashur të pranohej.

Sipas Fernandesit, bashkëlojtari i Diazit, Vinicius Jr-i kishte bllokuar pamjen e Jan Oblakit dhe kjo duhej të ishte një pozitë jashtë loje.

“Goli i Brahim Diazit është dashur të anulohej, kjo pasi Vinicius Jr-i është afër portierit të Atletico Madridit, duke ia penguar pamjen”, u shpreh Pavil Fernandes.

Kujtojmë që ndeshja kthyese zhvillohet javën tjetër në stadiumin “Metropolitano”./Indeksonline/